مصنوعی پودا، جو فضا کی صفائی کیساتھ بجلی بھی پیدا کرے گا

سائنس کا کارنامہ، مصنوعی پودا تیار، جو فضا کی صفائی کے ساتھ بجلی بھی پیدا کرسکے گا۔
امریکی یونیورسٹی بنگھمٹن کے سائنسدانوں کا تیار کردہ ابھی یہ پودا محض ایک کانسیپٹ ڈیزائن ہے۔ اس پودے کو 5 بائیولوجیکل سولر سیلز اورفوٹوسینتھیٹک بیکٹیریا کی مدد سے تیار کیا ہے۔یہ کانسپٹ پودا 5 ایسی تہوں پر مشتمل ہے، جو فضا سے کاربن ڈائی آکسائیڈ کی صفائی کے ساتھ اتنی بجلی پیدا کرسکتا ہے، جو ایک بلب کو جلانے کیلئے کافی ہے۔
سائنسدانوں کو توقع ہے کہ مستقبل میں یہ مصنوعی پودا فضائی آلودگی کی روک تھام میں عام پودوں سے زیادہ مؤثر ثابت ہوگا، کیونکہ یہ پودا چار دیواری کے اندر کی روشنی سے بھی فوٹوسینتھسز کا عمل کرنے کی صلاحیت رکھتا ہے ،جو عام پودے نہیں کر پاتے،اسی طرح یہ مصنوعی پودا چار دیواری کے اندر کاربن ڈائی آکسائیڈ کی شرح میں بھی 90 فیصد کمی لاسکتا ہے۔