واٹس ایپ سے اہم میسجز ڈیلیٹ؟ واپس لانے کا آسان طریقہ متعارف

واٹس ایپ صارفین کیلئے خوشخبری، اہم میسجز ڈیلیٹ ہونے پر ریکور کرنےکا آسان طریقہ متعارف کرادیا۔
ماہرین کے مطابق اگر صارف نے خودکار بیک اپ کی سہولت فعال کر رکھی ہے، تو پرانی چیٹس کو واپس حاصل کرنا ایک نہایت آسان عمل ہے۔
نیشنل ٹیکنالوجی ماہرین کے مطابق ڈیلیٹ شدہ پیغامات کی بحالی کیلئے واٹس ایپ کو ایک مرتبہ موبائل سے ہٹا کر دوبارہ انسٹال کرنا ضروری ہے،کیونکہ اینڈرائیڈ صارفین کیلئے بیک اپ گوگل ڈرائیو ،جبکہ آئی فون صارفین کیلئے آئی کلاؤڈ میں محفوظ ہوتا ہے۔
تحقیق کے مطابق پیغامات کی بحالی سے پہلے دو باتوں کی تصدیق ضروری ہے، پہلا بیک اپ کی تاریخ ان پیغامات کے حذف ہونے سے پہلے کی ہو، ورنہ پرانے پیغامات واپس نہیں آئیں گے، دوسری یہ کہ صارف وہی فون نمبر اور وہی اکاؤنٹ استعمال کرے، جس پر بیک اپ بنایا گیا تھا۔
ماہرین کا مشورہ ہے کہ صارفین اپنی چیٹس کا بیک اپ روزانہ کی بنیاد پر بنائیں، ایپ کے سیٹنگز میں جا کر چیٹس اور پھر بیک اپ کا انتخاب کریں اور خودکار بیک اپ کو روزانہ پر سیٹ کر دیں، اگر ویڈیوز کو بھی محفوظ رکھنا ہو تو متعلقہ اختیار کو فعال کر لیں۔
ٹیکنالوجی ماہرین کے مطابق تھوڑی سی احتیاط سے حذف شدہ واٹس ایپ پیغامات دوبارہ حاصل کیے جا سکتے ہیں،جس کیلئے صرف بیک اپ کو فعال رکھنا اور وقتاً فوقتاً اپ ڈیٹ کرنا ضروری ہے۔