طلبا کی موجیں:سردی بڑھتے ہی موسم سرما کی تعطیلات کا اعلان ہو گیا

طلبا کی موجیں ،سردی بڑھتے ہی موسم سرما کی تعطیلات کا اعلان ہو گیا، سرد علاقوں میں 16 دسمبر سے سرکاری سکولز ڈھائی ماہ کیلئےبند رہیں گے۔
تفصیلات کے مطابق بلوچستان کے سرد علاقوں میں اگلے مہینے تقریبا ڈھائی ماہ کیلئے سرکاری سکولز بند رکھنے کا فیصلہ کر لیا گیا۔
ذرائع کے مطابق بلوچستان کے سرحدی علاقےچمن میں پہلی جماعت سے ساتویں کلاس تک امتحانات کا آغاز ہو چکا ہے۔
محکمہ تعلیم بلوچستان کے مطابق یہ امتحانات 16 نومبر سے 24 نومبر تک جاری رہیں گے، جبکہ 24 نومبر سے کلاس 8 کے امتحانات بلوچستان بورڈ کے تحت شروع ہوں گے۔
دوسری جانب پنجاب میں موسمِ سرما کی تعطیلات 23 دسمبر 2025 سے 11 جنوری 2026 تک ہوں گی۔ تمام سکول 13 جنوری 2026 کو دوبارہ کھلیں گے، جس کے ساتھ نئے تعلیمی سیشن کا آغاز ہوگا۔