27ویں آئینی ترمیم کیخلاف درخواستوں پرلاہورہائیکورٹ کافل بینچ تشکیل

27ویں آئینی ترمیم کےخلاف درخواستوں پرسماعت کےلئے لاہورہائیکورٹ کافل بینچ تشکیل دےدیاگیا۔
لاہورہائیکورٹ کی چیف جسٹس عالیہ نیلم نے27ویں آئینی ترمیم کی درخواستوں پرسماعت کےلئے جسٹس صداقت علی خان کی سربراہی میں 3رکنی فل کورٹ بینچ تشکیل دےدیا۔دیگرججزمیں جسٹس جواد حسن اور جسٹس سلطان تنویر فل بنچ کے ممبر ہوں گے۔
درخواست میں وزیراعظم اورسپیکرقومی اسمبلی کوبذریعہ سیکرٹریز فریق بنایا گیا ۔
درخواست میں موقف اپنایاگیاکہ27ویں آئینی ترمیم کے ذریعے سپریم کورٹ کا اصل اختیار ختم کر کے وفاقی آئینی عدالت بنا دی گئی ہے، سپریم کورٹ کی حیثیت کمزور ہونے اور عدلیہ کی آزادی متاثر ہونے کا اندیشہ ہے۔
ہائیکورٹ میں  دائردرخواست میں کہا گیا کہ یہ ترامیم اسلامی دفعات، عدالتی خودمختاری اور بنیادی حقوق کے خلاف ہیں، صوبوں کی مشاورت کے بغیر ترمیم سے آئینی ڈھانچہ متاثر ہوا ہے، اس معاملے پر وکلا، سول سوسائٹی، صحافیوں اور دیگر طبقات سے کوئی رائے نہیں لی گئی۔
درخواست میں استدعا کی گئی ہے کہ عدالت 27ویں آئینی ترمیم کوکالعدم قراردےکرحتمی فیصلے تک ترمیم پرعملدرآمدروکے۔