پاکستان سپرلیگ سیزن 11کوکامیاب بنانےکامشن:پی ایس ایل کا لندن روڈ شو کروانے کا فیصلہ

شائقین کرکٹ کیلئے اہم خبر،پاکستان سپرلیگ( پی ایس ایل)نےسیزن 11کوکامیاب بنانےکےلئے لندن روڈ شو کروانے کا فیصلہ کرلیا۔
پی ایس ایل 11کا روڈ شو لندن کی لارڈز کرکٹ گراؤنڈ میں ہوگا،جس میں عالمی سرمایہ کار، کمرشل پارٹنرز اور شائقین کی شرکت متوقع ہے،پی ایس ایل دنیا کی تیزی سے بڑھتی ہوئی T20 لیگز میں شامل ہوگی ہے، پاکستان سپرلیگ کی دو نئی ٹیمیں بیچنے کی تیاریاں تیز ہو گئیں،نئی ٹیموں میں برطانوی سرمایہ کاروں کی گہری دلچسپی نظرآرہی ہے۔
چیئرمین پاکستان کرکٹ بورڈ(پی سی بی)محسن نقوی کاکہناتھاکہ لندن روڈ شو کا مقصد لیگ کا وژن، کمرشل ماڈل اور مستقبل کی حکمتِ عملی کی ترویج ہے ،لارڈز میں روڈ شو پاکستان کرکٹ کی عالمی شناخت کا ثبوت ہے،لندن کا روڈ شو پی ایس ایل کی بین الاقوامی اپیل کو مزید فروغ دے گا۔
سی ای اوپی ایس ایل سلمان نصیرکاکہناتھاکہ پاکستانی لیگ عالمی فالوونگ اور مضبوط کمرشل ویلیو رکھتی ہے،دو نئی ٹیموں کے اضافے سے سرمایہ کاروں کے لیے بڑے مواقع پیدا ہوں گے، پی ایس ایل روڈ شو میں کاروباری شخصیات، ممکنہ فرنچائز مالکان اور شائقین کی بڑی تعداد شریک ہوگی۔
اُن کامزیدکہناتھاکہ پاکستانی لیگ کی عالمی توسیع اور اسٹریٹجک پارٹنرشپس کو مزید فروغ دینے کا اعلان ہےکہ 30 سپر فینز کو خصوصی ایونٹ میں شرکت کا موقع دیا جائے گا،ٹکٹ حاصل کرنے کی تفصیلات جلد جاری کی جائیں گی۔