رواں سال کاآخری سپرمون آج!پاکستان میں نظارہ ہوگایانہیں؟سپارکو نے تفصیلات بتادیں

رواں سال کاآخری سپرمون آج ہوگا،پاکستان میں نظارہ ہوگایانہیں؟ سپارکو نےتفصیلات بتادیں۔

پاکستان کے قومی خلائی ادارہ سپارکو کےمطابق رواں سال کا آخری سپرمون آج 4اور5دسمبرکی درمیانی شب  پاکستان میں نظر آئےگا۔ دسمبرکاکولڈمون پاکستان بھر میں واضح طورپر دیکھا جاسکے گا، دسمبر کا کولڈ مون رواں سال کاتیسرااورآخری سپرمو ن ہے۔
سپارکوکاکہناہےکہ چاند 4 دسمبرشام 4بجکر58منٹ پر99فیصدروشن حالت میں طلوع ہوگاجبکہ سپرمون5دسمبرکی صبح 4بج کر15منٹ پر99.8فیصدروشن حالت میں عروج پرپہنچے گا،اس دوران چاند کا زمین سے فاصلہ 357,218 کلومیٹر ہوگا اور سپرمون عام مکمل چاند سے تقریباً 7.9 فیصد بڑا اور 15 فیصد زیادہ روشن دکھائی دے گا، جسے لوگ پوری رات باآسانی دیکھ سکیں گے۔
ماہرین کے مطابق جب چاند زمین کے سب سے زیادہ قریب ہوتا ہے تو وہ معمول سے زیادہ بڑا اور روشن نظر آتا ہے اور اسے سپر مون کہا جاتا ہے۔سپر مون اس لیے بھی خاص ہوتا ہے، کیونکہ جب یہ افق کے قریب ہوتا ہے تو اپنے حجم سے بھی زیادہ بڑا نظر آتا ہے۔
یادرہےکہ اس سےقبل رواں سال کاپہلاسپرمون 7 اکتوبر کو پاکستان سمیت دنیا بھر میں دیکھاگیاتھا،پھراس کے بعد 5 نومبر کودوسرے سپر مون کا نظارہ ہواتھا۔
واضح رہےکہ ہر سال 3 یا 4 سپر مون کا نظارہ ہوتا ہے ۔رواں سال کا سب سے روشن چاند نومبر میں دکھائی دیاتھا۔