اے آئی کی مدد سے شیروں کے دھاڑنے کا نیا انداز دریافت

اے آئی کی مدد سے شیروں کے دھاڑنے کا نیا انداز دریافت،سائنسدانوں نے افریقی شیروں پینتھیرا لیو کی نظر انداز ہو جانیوالی آواز کی نشاندہی کرنے کیلئے مصنوعی ذہانت کا استعمال کیا ہے۔
جرنل ایکولوجی اینڈ ایوولوشن میں شائع ہونیوالی تازہ ترین تحقیق کے نتائج کے مطابق اے آئی کی مدد سے شیروں کی روایتی زوردار آواز اور نئی دریافت شدہ نسبتاً دھیمی آواز کے درمیان 95.4 فیصد درستگی کے ساتھ فرق کیا جا سکتا ہے۔
اس حوالے سے تحقیق کی سربراہ جوناتھن گروکوٹ کا کہنا ہے کہ شیر کی دھاڑیں صرف مشہور نہیں ، بلکہ یہ منفرد پہچان رکھتی ہیں، جن کا استعمال آبادی کے سائز کا اندازہ لگانے اور انفرادی جانوروں کی نگرانی کیلئے کیا جا سکتا ہے۔
انہوں نے مزید کہا کہ اب تک شیر کی دھاڑوں کی شناخت ماہرین کے فیصلے پر بہت زیادہ انحصار کرتی تھی، جو ممکنہ انسانی تعصب کو متعارف کرواتی تھی۔
جوناتھن گروکوٹ کا کہنا ہے اے آئی کا استعمال کرتے ہوئے ہم شیر کی آوازوں کی زیادہ درست نشاندہی کر سکتے ہیں، ہمیں یقین ہے کہ جنگلی حیات کی نگرانی میں ایک مثالی تبدیلی کی ضرورت ہے اور جیسے جیسے نگرانی کے طریقوں میں بہتری آئے گی۔