چیٹ جی پی ٹی کا نیا فیچر متعارف، جو اسے ہمیشہ کیلئے بدل دے گا

چیٹ جی پی ٹی کا نیا فیچر متعارف ، جو اسے ہمیشہ کیلئے بدل دے گا،بہت جلد چیٹ جی پی ٹی میں ڈائریکٹ میسجز (ڈی ایم) آپشن کو استعمال کیا جاسکے گا۔
اوپن اے آئی کی جانب سے چیٹ جی پی ٹی میں گروپ میسجنگ فیچر متعارف کروا دیا گیا ۔اس فیچر سے یہ آرٹی فیشل انٹیلی جنس (اے آئی) چیٹ بوٹ سوشل میڈیا پلیٹ فارم میں تبدیل ہو جائے گا۔اس فیچر کے تحت متعدد افراد کسی ایک چیٹ کا حصہ بن سکیں گے اور اے آئی چیٹ بوٹ ان کے درمیان ایک گائیڈ کا کردار ادا کرے گا۔
ڈائریکٹ میسجنگ کا اضافہ چیٹ جی پی ٹی کے استعمال کے تجربے کو مکمل طور پر بدل دے گا اور صارفین نا صرف اے آئی، بلکہ اس پلیٹ فارم کو دیگر افراد سے رابطوں یا ملکر کام کرنے کیلئے بھی استعمال کرسکیں گے۔
چیٹ جی پی ٹی گروپ میسجنگ میں 20 افراد کو شامل کیا جاسکے گا، جبکہ وہ گروپ تھریڈز میں ون آن ون چیٹس بھی کرسکیں گے، جو دیگر افراد دیکھ نہیں سکیں گے۔
یہ کمپنی کا اس طرز کا پہلا فیچر ہے ،جس کا مقصد دفتری ٹیموں، دوستوں اور گھر والوں کو اکٹھے ملکر کام کرنے میں مدد فراہم کرنا ہے۔
کمپنی کی جانب سے فی الحال اس فیچر کو صرف 4 ممالک جاپان، نیوزی لینڈ، جنوبی کوریا اور تائیوان میں متعارف کروایا گیا ہے۔دنیا کے دیگر حصوں میں اسے آئندہ چند ماہ کے دوران توسیع دیے جانے کا امکان ہے۔