وزیراعلیٰ خیبرپختونخواکےدورہ کراچی کاشیڈول جاری

وزیراعلیٰ خیبر پختونخوا سہیل آفریدی کا 3 روزہ دورۂ کراچی کا شیڈول سامنے آ گیا۔ سلمان اکرم راجا، مینا خان آفریدی، شاہد خٹک اور شفیع جان بھی ہمراہ ہوں گے۔
وزیر اعلیٰ کے پی کے سہیل آفریدی 9 تا 12 جنوری کراچی کا دورہ کریں گے۔ وہ 9 جنوری کو دن 11 بجے ایئرپورٹ پہنچیں گے اور دورے کے پہلے ہی روز انصاف ہاؤس میں اہم ملاقاتیں کریں گے، جس کے بعد وہ کراچی پریس کلب جائیں گے۔
سہیل آفریدی اپنے دورے کے دوسرے روز کراچی سے حیدرآباد جائیں گے ، جہاں وہ حیدرآباد بار سے خطاب اور اسٹریٹ موومنٹ میں حصہ لیں گے ۔ دورے کے تیسرے روز وزیراعلیٰ خیبر پخونخوا کراچی بار سے خطاب کریں گے۔وزیراعلیٰ کے ساتھ سلمان اکرم راجا، مینا خان آفریدی، شاہد خٹک اور شفیع جان بھی ہوں گے۔
دوسری جانب معاونِ خصوصی برائے اطلاعات خیبر پختونخوا شفیع جان نے اپنے بیان میں بتایا ہے کہ وزیراعلیٰ سہیل آفریدی 9 جنوری کو اراکین اسمبلی کے ہمراہ سندھ کا دورہ کریں گے۔ اس دوران وہ پارٹی اسیرانِ جیل، سول سوسائٹی کے نمائندوں اور پارٹی قیادت سے ملاقاتیں کریں گے۔