مسلسل عدم حاضری پرشبلی فرازاشتہاری قرار

عدالت نے پی ٹی آئی راہنما شبلی فراز کو 2 مقدمات میں مسلسل عدم حاضری پر اشتہاری قرار دے دیا۔
اسلام آبادکی انسداددہشت گردی عدالت کے جج طاہر عباس سپرا نے پی ٹی آئی راہنماوں کیخلاف 28 فروری جوڈیشل کمپلیکس حملہ کیسز کی سماعت کی۔ پی ٹی آئی راہنماوں اور کارکنان کیجانب سے سردار محمد مصروف خان اور زاہد بشیر ڈار ایڈووکیٹ عدالت میں پیش ہوئے ۔
سابق وزیر قانون راجہ بشارت و دیگر عدالت میں پیش ہوئے،عدالت نے پی ٹی آئی راہنما شبلی فراز کو 2 مقدمات میں اشتہاری قرار دیا،شبلی فراز کو مسلسل عدم حاضری کی بنیاد پر اشتہاری قرار دیا گیا ۔
عدالت نے پیش ہونے والے ملزمان کی حاضری کے بعد سماعت ملتوی کردی۔
واضح رہےکہ پی ٹی آئی راہنماوں کیخلاف تھانہ رمنا میں 2 مقدمات درج ہیں۔