ڈومز ڈے کلاک کا نیا وقت جاری؛ دنیا تباہی سے کتنی دُور ہے؟

ڈومز ڈے کلاک کا نیا وقت جاری؛ دنیا تباہی سے کتنی دُور ہے؟حیران کن تفصیلات سامنے آ گئیں۔
غیر منافع بخش ادارے جوہری سائنسدانوں کے بلیٹن(Bulletin of the Atomic Scientists) نے سال 2026 کیلئے ڈومز ڈے کلاک کا نیا وقت جاری کر دیا ۔جس کےوقت کے مطابق دنیا خوفناک حد تک آدھی رات کے قریب پہنچ چکی ہے۔یہ گھڑی ادارے کے سائنس اینڈ سکیورٹی بورڈ (SASB) نے سیٹ کی ہے اور اب آدھی رات (Midnight)سے صرف 85 سیکنڈ دور ہے، جس نے دنیا کے انجام سے متعلق خدشات کو مزید ہوا دے دی ہے۔
ذہن نشین رہے کہ گھڑی میں Midnight کا وقت تباہی کی علامت ہے۔ جوہری سائنسدانوں کے بلیٹن کے سائنس اینڈ سکیورٹی بورڈ کے ایک رکن نے اس خدشے کو بھی ظاہر کیا ہے کہ امریکی صدر ٹرمپ کا قومی سلامتی کیلئے تجویز کردہ خصوصی گولڈن ڈوم درحقیقت دنیا کیلئے خطرہ بن سکتا ہے اور خلا میں جنگ کا سبب بن سکتا ہے۔
اعلان کے دوران سائنس اینڈ سکیورٹی بورڈ (SASB )نے ایٹمی خطرات پر بھی شدید تشویش کا اظہار کرتے ہوئے کہا ہے کہ دنیا میں مزید خطرناک ہتھیار تیار کیے جا رہے ہیں اور اس وقت ایک اسلحے کی دوڑ جاری ہے۔سائنس اینڈ سکیورٹی بورڈ (SASB )نے مزید خبردار کیا ہے کہ صدر ٹرمپ کا گولڈن ڈوم منصوبہ، جس کے تحت خلا میں ہتھیار رکھنے کی بات کی جا رہی ہے، روس اور چین کی جانب سے ردِعمل کو جنم دے سکتا ہے اور یوں خلائی جنگ کا خطرہ بڑھ سکتا ہے۔
ذہن نشین رہے کہ ٹرمپ حالیہ ہفتوں میں متعدد بار گولڈن ڈوم کا ذکر کر چکے ہیں اور یہ دعویٰ بھی کر چکے ہیں کہ گرین لینڈ پر اُن کا کنٹرول اس منصوبے کیلئے کلیدی حیثیت رکھتا ہے۔