پاکستان اور بنگلہ دیش کے درمیان تعلیمی معاہدہ طے پا گیا

بنگلہ دیشی طلبا اب پاکستان میں پڑھ سکیں گے۔ پاکستان اور بنگلہ دیش کے درمیان تعلیمی معاہدہ طے پاگیا۔
ہائر ایجوکیشن کمیشن ذرائع ایچ ای سی کے مطابق پہلے مرحلے میں 500 بنگلہ دیشی طلبا کو پاکستانی یونیوسٹیز میں داخلے فراہم کیے جائیں گے، بنگلہ دیشی طلبا کو مختلف شہروں میں مختلف یونیورسٹیز میں داخلے دیے جائیں گے۔
ذرائع ایچ ای سی کا کہنا ہے کہ بنگلہ دیش کے طلبا پاکستان میں سکالرشپ پر اعلیٰ تعلیم حاصل کرسکیں گے، طلبا کو انڈرگریجویشن پروگرام میں فلی فنڈڈ داخلے دیے جائیں گے۔
ذرائع کے مطابق پاکستان،بنگلہ دیش کے درمیان سکالرشپ کو علامہ اقبال کے نام سے منسوب کیا گیا ہے۔
ذرائع کے مطابق داخلوں کیلئے بنگلہ دیشی طلبا و طالبات کی بڑی تعداد نے انٹری ٹیسٹ میں شرکت کی تھی، ایچ ای سی کے تحت انٹری ٹیسٹ چٹاکانگ، ڈھاکہ، راج شاہی میں منعقد کیے گئے تھے۔ انٹری ٹیسٹ کے موقع پر بنگلہ دیشی نوجوانوں نے پاکستانی حکام کا گرمجوشی سے استقبال کیا اور بنگالی نوجوانوں نے پاکستانی حکام کے ساتھ تصاویر بھی بنوائیں۔