لوک موسیقی کی پہچان، گلوکارہ ریشماں کو مداحوں سے بچھڑے 12 برس بیت گئے

لوک موسیقی کی پہچان، معروف گلوکارہ ریشماں کو مداحوں سے بچھڑے 12 برس بیت گئے۔
1947میں راجستھان میں پیداہونےوالی ریشماں کاخاندان برصغیر کی تقسیم کے بعد ہجرت کرکےپاکستان کےشہرکراچی میں آبادہوگیاتھا،خانہ بدوش خاندان سے تعلق رکھنے والی ریشماں نے کم عمری میں ہی صوفیانہ کلام گانا شروع کر دیا تھا۔
ریڈیو کے ایک پروڈیوسر نے لعل شہباز قلندر کے مزار پر ننھی ریشماں کو گاتے ہوئے سنا، 12 سال کی عمر میں ریشماں کو ریڈیو پاکستان پر آواز کا جادو جگانے کا موقع ملا۔ریشماں نے کلاسیکی موسیقی کی کوئی تربیت حاصل نہیں کی تھی۔مگر1960ء کی دہائی میں پاکستان ٹیلی ویژن پر ریشماں نے ٹی وی کیلئے گانا شروع کر دیا، انہوں نے پاکستانی فلموں کیلئے متعدد گیت گائے اور خوب شہرت سمیٹی، ریشماں کی مقبولیت سرحد پار بھی پہنچی اور بالی ووڈ میں یہ سحر انگیز آواز گونجی۔
معروف گلوکارہ کو ستارہ امتیازاور لیجنڈز آف پاکستان کے اعزاز سے بھی نوازا گیا، ریشماں گلے کے کینسرکےباعث 3نومبر2013کولاہورمیں انتقال کرگئیں۔