اوّل تا بارہویں جماعت کیلئے اے آئی اور روبوٹکس کا نصاب منظور

پاکستان کے قومی تعلیمی نظام میں آرٹی فیشل انٹیلی جنس اور روبوٹکس کو شامل کرتے ہوئے جماعت اوّل تا بارہویں کیلئے اے آئی اور روبوٹکس کا نصاب منظور کر لیا گیا۔
نیشنل کریکولم کونسل وِنگ نے مصنوعی ذہانت اور روبوٹکس کے نصاب کو حتمی شکل دی۔این سی سی جدید نصاب طلبا کو کمپیوٹیشنل ٹیکنالوجی، جدید نظام، روبوٹکس ڈیزائن کو ذمہ دارانہ استعمال اور حقیقی مسائل کے حل کیلئے تیار کیا گیا ہے۔
نیشنل کریکولم کونسل ونگ کے مطابق یہ نصاب ترقی کے مختلف مراحل کو مدنظر رکھتے ہوئے ترتیب دیا گیا ہے، اس کا مقصد طلبا میں جدت، تخلیقی صلاحیت اور تنقیدی سوچ کو فروغ دینا ہے۔
این سی سی کے مطابق نصاب کے ذریعے طلباجدید ٹیکنالوجیز سے ہم آہنگ ہوں گے، نوٹیفکیشن کے بعد یہ نصاب متعلقہ صوبائی محکمہ تعلیم، نصاب ساز اداروں، اساتذہ کی تربیت کے اداروں اور امتحانی بورڈز کو فراہم کیا جائے گا۔