گوگل میپس کا نیا دلچسپ فیچر متعارف جو صارفین کو ضرور پسند آئے گا

گوگل کےصارفین کیلئے خوشخبری ،گوگل میپس کا نیا دلچسپ فیچر متعارف جو صارفین کو ضرور پسند آئے گا۔
گوگل میپس کا استعمال متعدد مقاصد کیلئے کیا جاتا ہے، مگر اب صارفین اس سے اپنی پارک کی گئی گاڑی کو بھی تلاش کرسکیں گے۔جی ہاں واقعی گوگل میپس کا نیا فیچر آپ کو کسی پارکنگ پلاٹ میں گاڑی کو تلاش کرنے میں ضائع ہونیوالے وقت بچانے میں مدد فراہم کرے گا۔یہ فیچر ابھی آئی او ایس ڈیوائسز کیلئے سامنے آیا ہے۔
میک ریومرز کے مطابق گوگل میپس کے اس نئے فیچر کو استعمال کرنے کا طریقہ بہت آسان ہے۔اس کیلئے بس اپنے آئی فون میں موجود گوگل میپس کو کار پلے، بلیوٹوتھ یا یو ایس بی کے ساتھ گاڑی کے ساتھ کنکٹ کریں۔ایسا کرنے کے بعد جب بھی آپ گاڑی روکیں گے، گوگل میپس یاد رکھے گا کہ آپ نے گاڑی کو کہاں پارک کیا ہے۔
اس مقصد کیلئے میپ میں ایک پن یو پارکڈ ہئیر کے لیبل کے ساتھ نظر آئے گی۔یہ پن اس وقت غائب ہو جائے گی جب آپ گاڑی کو ڈرائیو کرکے لے جائیں گے۔یہ فیچر گوگل میپس کے پرانے سیو وئیر یو پارکڈ فیچر کی نئی شکل ہے۔دلچسپ بات یہ ہے کہ پرانا فیچر بھی دستیاب ہے۔