حکومت کاپیٹرولیم مصنوعات کی نئی قیمتوں کااعلان

وفاقی حکومت نےآئندہ پندرہ روزکےلئےپیٹرولیم مصنوعات کی نئی قیمتوں کا اعلان کردیا۔ نوٹیفکیشن بھی جاری کردیا گیا۔
پاکستان میں ہرپندرہ روزبعدپیٹرولیم مصنوعات کی قیمتوں میں ردوبدل کیا جاتا ہے جس میں کبھی عوام کو ریلیف دیاجاتاہےاورکبھی پیٹرولیم مصنوعات کی قیمتوں میں اضافہ کرکےعوام کی مشکلات میں اضافہ کیا جاتاہے۔
محکمہ خزانہ کےنوٹیفکیشن میں کہاگیاکہ حکومت نے آئل اینڈ گیس ریگولیٹری اتھارٹی (اوگرا) کی تجاویز کی روشنی میں پیٹرولیم مصنوعات کی قیمتوں میں ردوبدل کیا ۔
نوٹیفکیشن میں مزیدکہا گیا کہ نئی قیمتوں کا اطلاق 16 نومبر سے آئندہ پندرہ روز کے لیے ہوگا۔
نوٹیفکیشن کےمطابق ہائی سپیڈ ڈیزل کی قیمت میں 6 فی لیٹر اضافہ کیاگیاجس کےبعد ہائی سپیڈ ڈیزل کی قیمت 278 روپے 44 پیسے فی لیٹرسےبڑھ کرنئی قیمت 284 روپے 44 پیسے مقرر کی گئی۔
نوٹیفکیشن میں کہاگیاکہ پیٹرول کی قیمت برقرار رکھی گئی جو فی لیٹر 265 روپے 45 پیسے ہے۔
یاد رہے کہ وفاقی حکومت کی جانب سےماہ ستمبرکےپہلےپندرہ روزکیلئے پیٹرول کی قیمت برقراررکھی گئی تھی اورہائی سپیڈڈیزل کی قیمت 3روپےفی لیٹرتک کمی کردی گئی تھی ،جس کےبعدہائی سپیڈ ڈیزل کی فی لیٹرقیمت269 روپے99 پیسےفی لیٹرہوگئی تھی۔جبکہ لائٹ ڈیزل آئل کی قیمت 2 روپے 40 پیسے کی کمی کے بعد 159 روپے 76 پیسے مقرر کی گئی تھی۔اسی طرح مٹی کے تیل کی قیمت ایک روپے 46 پیسے کمی کے بعد 176 روپے 81 پیسے مقرر کی گئی تھی۔پھر نومبر کے پہلے پندرہ روزکےلئے پیٹرول کی فی لیٹرقیمت میں 2 روپے 43 پیسے کااضافہ کیا گیا تھاجس کےبعدپیٹرول265 روپے 45 پیسے فی لیٹرہوگیاتھاجبکہ ڈیزل کی فی لیٹرقیمت میں3 روپے 2 پیسے فی لیٹراضافہ کیاگیاتھاجس کےبعد ڈیزل کی نئی قیمت 278 روپے 44 پیسے فی لیٹر ہوگی تھی۔