برطانیہ :شدید بارشوں، برفباری اور طوفانی ہواؤں کی پیشگوئی

شدید بارشوں، برفباری اور طوفانی ہواؤں کی پیشگوئی،برطانیہ کے مختلف علاقوں میں موسلا دھار بارشوں اور 90 میل فی گھنٹہ کی رفتار سے چلنے والی طوفانی ہواؤں کے پیش نظر فلڈ الرٹ جاری کر دیا گیا۔
طوفان برام کے نام سے جاری فلڈ الرٹ میں خبردار کیا گیا ہے کہ آئندہ چند روز کے دوران 4 انچ تک شدید برفباری اور طوفانی ہوائیں معمولاتِ زندگی بری طرح متاثر کر سکتی ہیں۔
برطانوی میٹ آفس کی طرف سے موسمی تبدیلی کیلئے امبر اور بارش کیلئے ییلو وارننگ جاری کی گئی ہے، جس سے ملک کے مغربی علاقے زیادہ متاثر ہونے کا خدشہ ہے۔ مجموعی طور پر سیلاب کی 75 کے قریب وارننگز جاری کی گئی ہیں۔
وارننگ کے مطابق اس طوفان کی زد میں انگلینڈ اور ویلز آئیں گے،جبکہ مختلف علاقوں اور گھروں کو سیلابی صورتحال کا سامنا کرنا پڑ سکتا ہے۔
وارننگ کے مطابق ہنگامی صورتحال کے باعث بس سروس، ٹرین کی آمد و رفت، بجلی کی ترسیل اور ٹرانسپورٹ نیٹ ورک بھی متاثر ہو سکتا ہے۔