ہانگ کانگ سکسز:ڈک ورتھ لوئس میتھڈ کے تحت پاکستان کوبھارت کےہاتھوں شکست

ہانگ کانگ سکسز کےمیچ میں ڈک ورتھ لوئس میتھڈ کے تحت پاکستان کوبھارت کےہاتھوں 2رنز سے شکست کاسامناکرناپڑا۔

محمد عباس کی قیادت میں پاکستانی ٹیم نے ٹاس جیت کر پہلے فیلڈنگ کا فیصلہ کیا اور بھارتی ٹیم کو بیٹنگ کی دعوت دی۔
بھارت نے پہلے بیٹنگ کرتے ہوئے مقررہ 6 اوورز میں 4 وکٹوں کے نقصان پر 86 رنز بنائے۔
پاکستان کی جانب سے محمد شہزاد نے شاندار بولنگ کا مظاہرہ کرتے ہوئے اپنے دو اوورز میں دو کھلاڑیوں کو آؤٹ کیا۔
ہدف کے تعاقب میں پاکستان کو 6 اوورز میں 87 رنز درکار تھے۔ قومی ٹیم نے 3 اوورز میں ایک وکٹ کے نقصان پر 41 رنز بنائے تھے کہ بارش شروع ہوگئی۔
بارش کے باعث میچ روک دیا گیا، اور بعد ازاں موسم بہتر نہ ہونے کے سبب ڈک ورتھ لوئس میتھڈ کے تحت بھارت کو دو رنز سے فاتح قرار دیا گیا۔