بلوچستان :کوئٹہ اور دیگرشہروں میں یخ بستہ ہواؤں کے سبب موسم سرد ہو گیا

کوئٹہ اور بلوچستان کے شمالی اضلاع میں موسم سرد ہوگیا۔ یخ بستہ ہوائیں چلنے سے درجہ حرارت میں نمایاں کمی ہو گئی۔
محکمہ موسمیات کے مطابق گزشتہ 24 گھنٹوں کے دوران کوئٹہ میں کم سے کم درجہ حرارت 2 ڈگری سینٹی گریڈ ریکارڈ کیا گیا، جبکہ قلات میں درجہ حرارت صفر ڈگری تک جا پہنچا۔سیاحتی مقام زیارت میں منفی 1، ژوب میں 7، چمن میں 7، نوکنڈی میں 14، سبی میں 17، تربت میں 19، گوادر میں 17 اور جیوانی میں کم سے کم درجہ حرارت 20 ڈگری سینٹی گریڈ ریکارڈ کیا گیا۔
محکمہ موسمیات کا کہنا ہے کہ بلوچستان کے بیشتر اضلاع میں موسم خشک رہے گا، تاہم شمالی اضلاع میں صبح اور رات کے اوقات میں سردی کی شدت برقرار رہنے کا امکان ہے۔