عمران خان کی 5اوربشریٰ بی بی کی ایک مقدمہ میں ضمانت منظور

عمران خان کی 9مئی سمیت 5اوراہلیہ بشریٰ بی بی کی ایک مقدمہ میں ضمانت منظور کرلی گئی۔
اسلام آبادکی ڈسٹرکٹ اینڈسیشن کورٹس کےایڈیشنل ڈسٹرکٹ اینڈسیشن جج محمدافضل مجوکانےعمران خان کی 5اوربشریٰ بی بی کی ایک مقدمہ میں ضمانت قبل ازگرفتاری کی درخوستوں پرسماعت کی۔عمران خان اوراہلیہ بشریٰ بی بی کی جانب سے خالدیوسف چوہدری اورشمسہ کیانی ایڈووکیٹ عدالت میں پیش ہوئے۔
عمران خان کی عدم دستیابی کےباعث ضمانت کی درخواستوں پردلائل نہ ہوسکے۔
عدالت نےعمران خان اوراہلیہ بشریٰ بی بی کی عبوری ضمانت میں 6فروری تک توسیع کرتےہوئے 6فروری تک دونوں کی گرفتاری سےروک دیا۔
عدالت نے اگلی سماعت پربانی پی ٹی آئی کوعدالت میں یابذریعہ ویڈیولنک پیش کرنےکی ہدایت کی اورضمانت کی درخواستوں پرسماعت 6فروری تک ملتوی کردی۔
واضح رہےکہ عمران خان کیخلاف 9مئی ،اقدام قتل،توشہ خانہ جعلی رسیدوں سمیت دیگرمقدمات درج ہیں، جبکہ اہلیہ بشریٰ بی بی کیخلاف بھی توشہ خانہ تحائف کی جعلی رسیدیں جمع کرانےپرمقدمہ درج ہے۔