رواں سال2026 کا بلڈ مون کون سے مہینے میں ہوگا؟

رواں سال2026 کا بلڈ مون کون سے مہینے میں ہوگا؟دلچسپ اور حیران کن تفصیلات سامنےآ گئیں۔
ماہرین فلکیات کے مطابق دلکش فلکیاتی مظاہر کے شوقین مارچ 2026 میں آنیوالے بلڈ مون کا مشاہدہ کر سکیں گے، جب زمین کی چھایا پوری طرح مکمل چاند کو ڈھانپے گی اور چاند کی سطح گہرا سرخ یا تانبی رنگ اختیار کر لے گی۔ یہ شاندار منظر آسمان دیکھنے والوں کیلئے ایک یادگار تجربہ ہوگا۔اسے بلڈ مون اس لیے کہا جاتا ہے ،کیونکہ مکمل قمری گرہن کے دوران زمین کا ماحول سورج کی روشنی کو فلٹر کرتا ہے اور نیلی روشنی کو منتشر کر دیتا ہے، جس سے چاند سرخ یا تانبی رنگ کا نظر آتا ہے۔
تاریخی مشاہدات کے مطابق تقریباً 29 فیصد قمری گرہن مکمل ہوتے ہیں اور زمین پر سالانہ تقریباً دو قمری گرہن دیکھنے کو ملتے ہیں۔
ماہرین کا کہنا ہے کہ شمالی امریکا کے آسمان پر دیکھنے والوں کیلئے یہ بلڈ مون نمایاں طور پر دکھائی دے گا۔ یہ زمین پر ہونیوالا آخری مکمل قمری گرہن ہوگا، جسے اگلے سال تک دیکھا نہیں جا سکے گا۔ بلڈ مون کا حقیقی رنگ فضائی حالات پر منحصر ہوتا ہے، تاہم آتش فشاں کی راکھ، جنگلات کی آگ سے دھواں اور گرد و غبار کی موجودگی اسے زیادہ گہرا اور شدید سرخ دکھا سکتی ہے۔
ناسا کے مطابق ہر سال دو سے چار قمری گرہن ہوتے ہیں، جن میں سے ہر ایک تقریباً زمین کے نصف حصے سے دیکھا جا سکتا ہے۔