بھارتی گلوکارہ و اداکارہ سلاکشنا پنڈٹ دل کا دورہ پڑنےسےچل بسیں

بھارتی گلوکارہ و اداکارہ سلاکشنا پنڈٹ دل کا دورہ پڑنےکےباعث چل بسیں۔
اداکارہ سلاکشنا پنڈٹ کےبھائی موسیقار للت پنڈت نےگلوکارہ کےانتقال کی تصدیق کرتےہوئے بتایاکہ گزشتہ شام سُلاکشنا کو سانس لینے میں دشواری محسوس ہوئی، ہم انہیں ناناوتی ہسپتال لے جا رہے تھے، لیکن وہ ہسپتال پہنچنے سے پہلے ہی چل بسیں۔ انہیں دل کا دورہ پڑاجوجان لیواثابت ہوا۔
1975میں فلم ’’الجھن‘‘سے اپنےفنی کیرئیرکاآغازکرنےوالی سُلاکشنا پنڈت نےفلم میں سنجیو کمار کے ساتھ مرکزی کردار ادا کیا، اس کے بعد وہ اپنے دور کے کئی بڑے ستاروں راجیش کھنہ، ششی کپور اور ونود کھنہ کے ساتھ مختلف فلموں میں جلوہ گر ہوئیں۔
انہوں نے1978میں بنگالی فلم بندی میں معروف اداکار اتتم کمار کے ساتھ بھی کام کیا۔جس پران کوخوب پذیرملی،اداکارہ کے طور پر ان کی نمایاں فلموں میں ہیرا پھیری، خاندان، دھرم کانٹا، دو وقت کی روٹی، سنکوچ اور گورا شامل ہیں۔
اداکاری کے ساتھ سُلاکشنا پنڈت ایک معروف گلوکارہ بھی تھیں، انہوں نے ہندی، بنگالی، مراٹھی، اڑیہ اور گجراتی زبانوں میں گانے گائے، ان کے مشہور گانوں میں ’تو ہی ساگر تو ہی کنارہ، پردیسیا تیرے دیس میں، بےقرار دل ٹوٹ گیا، سونا رے تجھے کیسے ملوں، جب آتی ہوگی یاد میری، یہ پیار کیا ہے‘ شامل ہیں۔