سانحہ اے پی ایس میں معصوم بچوں، اساتذہ اور عملے کی قربانیاں بہادری کی مثال ہے،صداقت مجید

سینئر وائس چیئرمین قومی امن کمیٹی برائے بین المذاہب ہم آہنگی پنجاب صداقت مجیدنےکہاکہ سانحہ اے پی ایس میں معصوم بچوں، اساتذہ اور عملے کی قربانیاں بہادری کی مثال ہے۔
سینئر وائس چیئرمین قومی امن کمیٹی برائے بین المذاہب ہم آہنگی پنجاب صداقت مجید نے سانحہ آرمی پبلک سکول پشاور کی برسی کے موقع پر اپنے خصوصی پیغام میں کہا کہ وہ سانحہ اے پی ایس کے بہادر بچوں کو خراجِ تحسین پیش کرتے ہیں اور ان کے والدین و اہلِ خانہ کو سلام پیش کرتے ہیں۔
انہوں نے کہا کہ سانحہ اے پی ایس میں معصوم بچوں کی قربانی کو کبھی فراموش نہیں کیا جا سکتا۔ معصوم بچوں، اساتذہ اور سکول عملے کی قربانیاں بہادری اور قربانی کی روشن مثال ہیں۔
صداقت مجید کا کہنا تھا کہ دہشت گردی کے خلاف پاکستان کا عزم غیر متزلزل ہے اور افواجِ پاکستان کی لازوال قربانیوں کی بدولت ملک کا مستقبل روشن ہے۔ انہوں نے عہد کیا کہ سانحہ اے پی ایس کے بچوں کی عظیم قربانی کو ہرگز رائیگاں نہیں جانے دیا جائے گا۔