واٹس ایپ کے چینلز کیلئے دلچسپ فیچر کی آزمائش کا آغاز

واٹس ایپ کےصارفین کیلئے اہم خبر،انسٹنٹ میسیجنگ ایپلی کیشن واٹس ایپ کے چینلز کیلئے دلچسپ فیچر کی آزمائش کا آغازہوگیا۔
واٹس ایپ کی اپڈیٹس پر نظر رکھنے والی ویب سائٹ کے مطابق جلد ہی صارفین چینل کو زیادہ لوگوں تک پہنچانے کیلئے نئے فیچر کا استعمال کر سکیں گے۔
رپورٹ کے مطابق واٹس ایپ چینلز پر دوسروں کو چینل کو فالو کرنے کی دعوت دینے کے فیچر کی محدود پیمانے پر آزمائش شروع کر دی گئی۔اس فیچر کے تحت واٹس ایپ چینل کے ایڈمن اپنے کانٹیکٹس میں شامل افراد کو چینل کو فالو کرنے کی دعوت بھیج سکیں گے۔
فیچر کے تحت ایڈمنز چینل سیٹنگ میں جا کر اپنے فون میں موجود نمبرز کو دعوت بھیج سکیں گے، انہیں اختیار ہوگا کہ وہ اپنی پسند کے نمبرز کا انتخاب کریں۔ایڈمنز کی جانب سے دعوت نامہ بھیجے جانے کے بعد صارفین میسیج وصول کریں گے اور میسیج کو آسان طریقے سے کلک کر کے چینل کو فالو کر سکیں گے۔یہ فیچر ابھی ابتدائی آزمائش میں ہے اور جلد ہی اس تک مزید صارفین کو بھی رسائی دی جائے گی، جس کے بعد اسے باقاعدہ متعارف کروایا جائے گا۔