آئی فون : دوسری سکرین ، اضافی سٹوریج والی نئی ڈیوائسز متعارف

ایپل کے صارفین کیلئے خوشخبری، آئی فون کو دوسری سکرین اور اضافی سٹوریج دینے والی نئی ڈیوائسز متعارف کرادی گئی۔
ٹیکنالوجی پر مبنی کمپنی ڈاک کیس (Dockcase) جو سمارٹ فونز اور دیگر ڈیجیٹل ڈیوائسز کیلئے جدید اور فنکشنل ایکسیسریز تیار کرتی ہے، نے آئی فون کیلئے ایک نئے اور منفرد کیس کے تصور کا تعارف کروایا ہے، جسے سیلفکس کہا جا رہا ہے۔ یہ کیس خاص طور پر آئی فون 17 پرو سیریز کیلئے ڈیزائن کیا گیا ہے اور فون کے پچھلے حصے پر ایک ثانوی ڈسپلے شامل کرتا ہے۔سیلفکس کیس کے پچھلے حصے پر ایک گول شکل کا 1.6 انچ ٹچ ڈسپلے موجود ہے، جس کی ریزولوشن 480 × 480 پکسلز ہے۔
ڈاک کیس کے مطابق سکرین کا بنیادی مقصد صارفین کو آئی فون کے اعلیٰ معیار کے 48 میگا پکسل رئیر کیمروں کو سیلفیز اور ویڈیو ریکارڈنگ کیلئے استعمال کرنے کی سہولت فراہم کرنا ہے۔
کمپنی کا کہنا ہے کہ یہ ڈسپلے الٹرا وائیڈ گروپ سیلفیز لینے میں بھی مدد دیتا ہے، جو ان کے مطابق فرنٹ کیمرا اسی معیار کے ساتھ فراہم نہیں کر سکتا، اس کے علاوہ تصویر لینے سے پہلے فریمنگ پری ویو کے طور پر بھی کام کرتا ہے، تاکہ صارفین شٹر دبانے سے قبل درست فریم دیکھ سکیں۔ریئر ڈسپلے کے علاوہ سیلفکس کیس میں ایک پی ڈی 3.0 یو ایس بی-سی پورٹ شامل ہے، جو 100 واٹ تک ان پٹ کو سپورٹ کرتا ہے، اس کے ساتھ ایک مخصوص پاور بٹن بھی دیا گیا ہے، جس کے ذریعے ڈسپلے کو آن یا آف کیا جا سکتا ہے۔
ڈاک کیس کا دعویٰ ہے کہ ریئر ڈسپلے صارفین کو بہترین تجربہ فراہم کرے گا۔ کمپنی کے مطابق اس کیس کے استعمال کیلئے کسی علیحدہ ایپ کو انسٹال کرنے کی ضرورت نہیں ہوگی۔