اسلام آباد:علامہ اقبال اوپن یونیورسٹی کے داخلوں کا شیڈول جاری

فاصلاتی نظام تعلیم کے حوالے سے دنیا بھر میں مشہور علامہ اقبال اوپن یونیورسٹی کے داخلوں کا شیڈول جاری کردیاگیا۔
وفاقی دارالحکومت اسلام آباد میں واقع علامہ اقبال اوپن یونیورسٹی نے سمسٹر بہار 2026 کے داخلوں کا شیڈول جاری کر دیا۔میٹرک سے لیکر پی ایچ ڈی سطح تک تمام تعلیمی پروگرامز میں داخلوں کا آغاز یکم جنوری 2026 سے ملک بھر میں بیک وقت ہوگا۔
ترجمان اوپن یونیورسٹی کے مطابق داخلوں کی یہ سہولت چاروں صوبوں کے علاوہ آزاد جموں و کشمیر، گلگت بلتستان اور شمالی علاقہ جات میں بھی دستیاب ہو گی۔
ذہن نشین رہے کہ علامہ اقبال اوپن یونیورسٹی کی طرف سے دنیا بھر میں مقیم پاکستانیوں اور انٹرنیشنل طلبا کیلئے بھی مختلف سطح کے تعلیمی پروگرامز آفر کئے جارہے ہیں۔