اسلام آباد:وفاقی تعلیمی بورڈ کا اردو انٹرنیشنل امتحان کیلئےشیڈول جاری

طلبا و طالبات کیلئے اہم خبر،وفاقی تعلیمی بورڈ نے اردو انٹرنیشنل امتحان کا شیڈول جاری کر دیا۔
تفصیلات کے مطابق امتحان 19 نومبر 2025 کو ہانگ کانگ میں منعقد ہو گا۔ امتحانی مرکز اسلامک انسٹیٹیوٹ میموریل کالج، ہانگ کانگ میں قائم کیا گیا ہے۔پہلا پرچہ ریڈنگ اینڈ رائٹنگ صبح 9 سے پونے گیارہ بجے تک ہو گا۔ دوسرا پرچہ مضمون نویسی پونے بارہ سے سوا ایک بجے دوپہر تک لیا جائے گا۔طلبا کو امتحان مرکز پر صبح ساڑھے آٹھ بجے رپورٹ کرنا ہو گا۔
طلبا کیلئےموبائل فون اور سمارٹ واچ امتحانی مرکز میں لے جانا سختی سے منع ہے،مزید برآں امتحانات کی نگرانی فیڈرل بورڈ آف انٹرمیڈیٹ اینڈ سیکنڈری ایجوکیشن کرے گا۔