خیبرپختونخواحکومت کاپی ٹی آئی پربنے9مئی کےمقدمات واپس لینےکافیصلہ

خیبرپختونخواحکومت نےتحریک انصاف پربنے9مئی کےمقدمات واپس لینے کافیصلہ کرلیا۔
ذرائع کےمطابق نگران دورحکومت میں خیبرپختونخوامیں تحریک انصاف پر 9اور 10مئی کوبنےمقدمات کوپی ٹی آئی حکومت نےختم کرنےکافیصلہ کرلیا،جوتحریک انصاف کےممبران اورکارکنان پردرج ہوئے تھے۔ ایڈووکیٹ جنرل آفس نے 51 مقدمات واپس لینےکی سفارشات بھیج دی ہیں۔
ذرائع کا کہنا ہے کہ مقدمات میں سزا کی صورت میں اراکینِ اسمبلی کو نااہلی کا خدشہ لاحق ہے۔ کابینہ کی منظوری کے بعد عدالتوں سے مقدمات واپس لینے کی کارروائی شروع ہوگی۔ ریاست کی جانب سے مقدمات سے دستبرداری کی منظوری کے بعد سرکاری دعویداری ختم کردی جائے گی۔
میڈیاسےگفتگوکرتےہوئے ایڈووکیٹ جنرل خیبرپختونخوا شاہ فیصل اتمان خیل کاکہناتھاکہ 9، 10 مئی مقدمات سے متعلق سفارشات تیارکرکے بھیج دی ہیں، سفارشات سے متعلق حتمی فیصلہ اورمنظوری صوبائی کابینہ دے گی۔پی ٹی آئی کے اراکین اور کارکنوں پر 319 مقدمات میں سے 51 باقی ہیں۔