امتحانی نظام میں بڑے پیمانے پر اصلاحات کرنے کا فیصلہ

طلبا کیلئے اہم خبر،تعلیم کو جدت سے ہم آہنگ کرنے کا سلسلہ ،امتحانی نظام میں بڑی اصلاحات کا فیصلہ،تعلیمی نظام میں طلبا کی صلاحیتوں، سمجھ اور تجزیاتی سوچ کو بہتر انداز میں جانچنے کیلئے امتحانی نظام میں بڑے پیمانے پر اصلاحات کرنے کا فیصلہ کر لیا گیا۔
چیئرمین ٹاسک فورس مزمل محمود کی ہدایت پر تمام تعلیمی بورڈز میں اصلاحات کا آغاز ہو گیا۔
ذرائع کے مطابق نئے پیپر پیٹرن کے تحت سوالیہ پرچے مختلف گریڈز اور ڈیفیکلٹی لیولز کے مطابق تیار کیے جائیں گے،40 نمبروں کا حصہ آسان نوعیت کے سوالات پر مشتمل ہوگا،سوالیہ پرچہ میں اگلے مرحلے کے سوالات 10، 10 نمبروں کے حساب سے مشکل ہوں گے،طلبا کی تجزیاتی اور فکری صلاحیتوں کو جانچنے کیلئے مکمل نیا کیمبرج طرز کا پیپر پیٹرن متعارف کروایا جائے گا۔
تمام پیپر سیٹرز کو کیمبرج کے ذریعے بلوم ٹیکسانومی تربیت دی جائے گی، تاکہ وہ نئے نظام کے مطابق سوالات تیار کر سکیں۔ پہلے سال پیپر سیٹرز پرانے طریقہ کار کے مطابق پرچے بناتے رہے۔تعلیمی اصلاحات کیلئے جلد ہی کیمبرج کے ساتھ معاہدہ کیا جائے گا، تاکہ نئے پیپر پیٹرن کو ہر تعلیمی بورڈ میں نافذ کیا جا سکے۔