ایران امریکامعاہدےمیں اہم پیشرفت فیلڈمارشل کی ایرانی اعلیٰ حکام سےملاقاتیں

ایرانی میڈیا کے مطابق فیلڈ مارشل عاصم منیر نے ایران کے چیف آف اسٹاف اور اعلیٰ عسکری حکام سے ملاقات کی ہے، جس میں خطے کی مجموعی صورتحال پر تبادلہ خیال کیا گیا۔

رپورٹس میں بتایا گیا ہے کہ فیلڈ مارشل عاصم منیر کی ایرانی صدر مسعود پزشکیان سے بھی ملاقات ہوئی، جس میں باہمی دلچسپی کے امور اور علاقائی سکیورٹی صورتحال پر گفتگو کی گئی۔

ایرانی ذرائع کے مطابق ان ملاقاتوں میں ایران کے اسپیکر اور دیگر اعلیٰ عہدیداران بھی شریک تھے۔

مزید بتایا گیا ہے کہ ایرانی صدر سے ہونے والی ملاقات میں وفاقی وزیر داخلہ محسن نقوی بھی موجود تھے، جہاں خطے میں امن و استحکام اور دوطرفہ تعاون کو فروغ دینے پر زور دیا گیا۔