محکمہ موسمیات کی نومبر اور دسمبر میں بارش نہ ہونے کی پیشگوئی

ملک بھرمیں خشک سردی جاری،محکمہ موسمیات نے نومبر اور دسمبر میں بارش نہ ہونے کی پیشگوئی کردی۔میدانی علاقوں میں سموگ اوردھند بڑھنےلگی۔
محکمہ موسمیات کے مطابق رواں ماہ اوردسمبر میں بھی بارش کی کوئی امید نہیں۔ڈپٹی ڈائریکٹرمیٹ عرفان ورک کا کہنا ہے کہ موسم خشک ہی رہے گا اور سردررہے گا،درجہ حرارت میں کمی رہےگی اورمیدانی علاقوں میں سموگ اورفوگ رہے گی، تربیلا اورمنگلا میں پانی کا جو ذخیرہ پہلے سے موجود ہے، اسی کو ریگولیٹ کرنا پڑے گا ،گلیشیر یا برف پگھلنے سے پانی نہیں آئے گا۔
میٹ حکام کا کہنا ہے کہ موسم کی صورتحال پرمسلسل نظر رکھی جارہی ہے، تاکہ خشک سالی کی صورت میں بروقت اقدامات کئے جا سکیں۔
ماہرین کے مطابق بارش نہ برسنے کے باعث آبی ذخائر کا احتیاط سے استعمال ضروری ہے، تاکہ پانی کی قلت کا کم سے کم سامنا کرنا پڑے ۔