آئی فون اور اینڈرائیڈ صارفین کیلئے مشترکہ شیئرنگ فیچر متعارف

ایپل اوراینڈرائیڈ صارفین کیلئے خوشخبری ،گوگل نے اینڈرائیڈ اور آئی فون صارفین کیلئے مشترکہ شیئرنگ فیچر متعارف کروا دیا ۔
گوگل کے مطابق یہ سہولت ابتدا میں پکسل 10 سیریز میں پیش کی جا رہی ہے، جس سے دونوں پلیٹ فارمز کے درمیان فوری اور مؤثر رابطے کی راہ ہموار ہو گی۔
کمپنی کا کہنا ہے کہ کُوئک شیئر نامی فیچر کو ایئر ڈراپ کے نظام کے ساتھ ہم آہنگ بنا کر اینڈرائیڈ اور آئی فون کے درمیان فائل ٹرانسفر کے عمل کو پہلے کے مقابلے میں کہیں زیادہ آسان اور تیز کر دیا ہے۔ یہ فیچر جدید اور سخت سکیورٹی معیارات کو مدنظر رکھتے ہوئے تیار کیا گیا ہے، جسے آزاد سکیورٹی ماہرین نے بھی محفوظ قرار دیا ہے۔
ادارے کے مطابق یہ پیش رفت اینڈرائیڈ، آئی فون اور ونڈوز کے درمیان خصوصاً آر سی ایس میسیجنگ اور نامعلوم ٹریکر الرٹس جیسے فیچرز کے بعد بہتر ربط اور ہم آہنگی کی جانب ایک اہم قدم ہے۔
گوگل کے مطابق آنیوالے مہینوں میں اس سروس کو مزید بہتر بنا کر زیادہ سے زیادہ اینڈرائیڈ ڈیوائسز تک وسعت دی جائے گی۔
رپورٹ کے مطابق صارفین اس فیچر کی عملی جھلک پکسل 10 پرو پر ویڈیو کے ذریعے دیکھ سکتے اور خود بھی اس نئے ٹرانسفر سسٹم کو آزما سکتے ہیں۔