نیپاچورنگی حادثہ: مرتضیٰ وہاب نے جاں بحق بچے کے اہل خانہ سے معذرت کرلی

میئر کراچی مرتضیٰ وہاب نےنیپاچورنگی حادثےمیں جاں بحق ہونے والے ننھے ابراہیم کےاہلخانہ سے معذرت کرلی۔
میڈیا سے گفتگو کرتے ہوئے میئرکراچی مرتضیٰ وہاب کاکہناتھاکہ میں نیپاچورنگی میں گٹرمیں گرکرجاں بحق ہونےوالے3 سالہ ننھےابراہیم کےگھر شاہ فیصل کالونی گیااورابراہیم کے والد، دادا اور خاندان سے ملاقات کی، بچےکے دادا نے خواہش کی ایسے اقدامات کیے جائیں کہ کسی اور کے ساتھ ایسا نہ ہو، خاندان تکلیف اور درد سے گزر رہا ہے اس لیے وہاں گفتگو نہیں کی۔
مرتضیٰ وہاب کامزیدکہناتھاکہ جوافسوسناک واقعہ ننھے ابراہیم کے ساتھ پیش آیا، ابراہیم کی والدہ کی چیخوں پر میرے پاس الفاظ نہیں۔ میں بلیم گیم سے آگے نکل کر ذمہ داری لیتا ہوں، میں اوپر والے سے اور بچے کے گھر والوں سے معافی چاہتا ہوں،غم کی گھڑی میں الزامات کی سیاست میں نہیں جاؤں گا، آج میرے اور ٹاؤن چیئرمین کے خلاف عدالت سے رجوع کیا گیا ہے۔
میئر کراچی نے کہا کہ معطل کرنا شروعات ہے، ابھی انکوائری شروع ہوئی ہے، وزیر اعلیٰ سندھ نے صبح اجلاس بلایا تھا، انکوائری ہونی ہے، ہم نے سیوریج کارپوریشن کے متعلقہ انجینئر کو معطل کیا، کے ایم سی کے متعلقہ سینئر ڈائریکٹر کو معطل کیا، ضلعی مختیار کار اور اسسٹنٹ کمشنر کو معطل کیا، ایس ایس پی ایسٹ اور ڈی ایس پی کو بھی معطل کیا جا رہا ہے، مثال بنانا چاہتے ہیں تاکہ مستقبل میں ایسے واقعات نہ ہوں۔
مرتضیٰ وہاب نے کہا کہ مین ہول لگانا مسئلہ نہیں ہے 2 لاکھ 45 ہزار ڈھکن ہیں، ایک سال میں 88 ہزار گٹر کے ڈھکن لگائے گئے ہیں،تھانے دار کو معلوم ہے کہ چوری کا سامان کہاں بکتا ہے، فائبر والے گٹر کے ڈھکن بھی چوری کرکے لے جاتے ہیں۔
خیال رہےکہ اتوار کی رات 10بجےکراچی کےعلا قےگلشنِ اقبال میں نیپا چورنگی کے قریب واقع ڈپارٹمیٹل سٹور سے 3 سالہ بچہ ابراہیم والدین کے ہمراہ نکل کر مین ہول میں گرجہاں بحق ہوگیا،کھلے مین ہول میں گرنے والے بچے کی لاش 15 گھنٹے بعد ایک کلو میٹر دور نالے سے ملی تھی۔