پاک بحریہ کاسطح سمندرسےفضامیں مارکرنےوالےمیزائل کاکامیاب تجربہ

پاک بحریہ نےسطح سمندرسےفضامیں مارکرنےوالےمیزائل کاکامیاب تجربہ کیا۔
پاک فوج کےشعبہ تعلقات عامہ (آئی ایس پی آر)کےمطابق پاک بحریہ نے شمالی بحیرۂ عرب میں شاندار فائر پاور کا مظاہرہ کیا۔
آئی ایس پی آر کاکہناہےکہ پاک بحریہ نے ایف ایم-90  این ای آر  ڈیفنس سسٹم کے تحت سطح سے فضا تک مار کرنے والے میزائل کی کامیاب لائیو فائرنگ کی۔
میزائل فائرنگ کے ذریعے شمالی بحیرۂ عرب میں پاک بحریہ کی آپریشنل تیاری اور جنگی صلاحیت کی توثیق کی گئی۔ بحری جنگی جہاز نے انتہائی تیز رفتار اور منیوریبل فضائی اہداف کو کامیابی سے نشانہ بنایا۔
آئی ایس پی آر کے مطابق لائیو ویپن فائرنگ سے پاک بحریہ کی جدید جنگی صلاحیت ایک بار پھر اجاگر ہوئی۔ فائر پاور کے اس مظاہرے کا مشاہدہ کمانڈر پاکستان فلیٹ ریئر ایڈمرل عبدالمنیب نے کیا۔
کمانڈر پاکستان فلیٹ نے فائرنگ میں شریک افسران اور جوانوں کی پیشہ ورانہ مہارت کو سراہا اور قومی بحری دفاع کو یقینی بنانے کے عزم کا اعادہ کیا۔
آئی ایس پی آر کا کہنا ہے کہ پاک بحریہ ہر صورت پاکستان کے سمندری دفاع اور بحری مفادات کے تحفظ کے لیے مکمل طور پر تیار ہے۔