سہ ملکی سیریز:پاکستان انڈر19نےفائنل میں زمبابوےکو9وکٹوں سےشکست دیکرٹرافی نام کرلی

سہ ملکی سیریزکےفائنل میں پاکستان انڈر19نےزمبابوےکو9وکٹوں سےشکست دیکرٹرافی اپنےنام کرلی ۔
ہرارے میں کھیلے گئےسہ ملکی سیریزکےفائنل میں میزبان زمبابوےانڈر19 نےپہلے بیٹنگ کرتےہوئے 45 ویں اوور میں 158 رنز بنائے۔پاکستان انڈر19نےصرف 17 ویں اوور میں ایک وکٹ کےنقصان پرہدف حاصل کرلیا۔
پاکستان کی جانب سے عمر زیب نے 4 شکارکیےجبکہ عبدل سبحان نے 2 کھلاڑیوں کوپویلین کی راہ دکھائی۔
پاکستان انڈر19کی جانب سےاوپنرسمیر منہاس نے محض 42 گیندوں پر برق رفتار سنچری مکمل کی۔ یوں یہ  ون ڈے  تاریخ کی تیز ترین سنچری بن گئی۔ اوپنر سمیر منہاس کی ریکارڈ ساز اننگز کی بدولت 159رنز کا ہدف صرف 17 ویں اوور میں ایک وکٹ کےنقصان پر حاصل کرلیا۔سمیر منہاس نے 51 گیندوں پر 114 رنز کی دھواں دار اننگز کھیلی، جس میں 17 چوکے اور 5 چھکے شامل تھے۔اس کے علاوہ محمد شایان 38 رنز بناکر ناٹ آؤٹ رہے۔
اس سے قبل یہ ریکارڈ بھارت کے ویبھو سوریاونشی کے پاس تھا جنہوں نے گزشتہ سال جولائی میں انگلینڈ کے خلاف 52 گیندوں پر سنچری بنائی تھی۔