پاکستان کا پہلا اے آئی وکیل تیار،عدالتی نظام اب ہو گامزید بااختیار

ملک کاعدالتی نظام اب ہو گامزید بااختیار،پاکستان کا پہلا اے آئی وکیل تیار،سست عدالتی کارروائیوں، تاریخوں پر تاریخیں اور وکلا و ججز کی کمی جیسے عوامل کے باعث ملک بھر میں لاکھوں مقدمات برسوں سے عدالتوں میں التوا کا شکار ہیں۔
اس حوالے سے حال ہی میں ایک اہم پیشرفت سامنے آ ئی ہے، کیونکہ یونیورسٹی آف انجینئرنگ اینڈ ٹیکنالوجی کے باصلاحیت نوجوان طلبا کے ایک گروہ نے ملک کا پہلا اے آئی وکیل تیار کر لیا ہے، جس کو ماہرین نے پاکستانی عدالتی نظام کیلئے انقلابی ایجاد قرار دیاہے۔یہ اے آئی وکیل قانونی شعبے میں جدت اور رفتار کی نئی مثال قائم کرے اور بطور لیگل اسسٹنٹ بھی کام کرے گا۔
وکلا ایپ میں تفصیلات دیکر صرف ایک کلک پر کیس کی دستاویزات تیارکرسکیں گے۔اے آئی وکیل ماڈیول کے ذریعہ قیام پاکستان، یعنی 1947 سے لیکر 2025 تک کے ملکی عدالتی فیصلوں اور قوانین کی بنیاد پر درست اور جامع قانونی جوابات حاصل کرسکیں گے۔اس سہولت سے پرانے ڈیٹا بیس اورمہینوں کی ریسرچ کی ضرورت ختم ہو جائے گی، عدالتوں میں کیسز کے التوا کے مسائل میں بھی کمی آئے گی، ہفتوں کا کام منٹوں میں مکمل ہوگا۔
ماہرین کے مطابق یہ مقامی قوانین پر مبنی ٹیکنالوجی نوجوان وکلا کو با اختیار بنانے کے ساتھ انصاف کی فراہمی، شفافیت اور عوامی اعتماد کو مضبوط بنانے کی جانب ایک اہم قدم ہے۔