پی آئی اے عملے کی فرض شناسی ،مسافرکاگمشدہ موبائل لوٹادیا

پاکستان انٹرنیشنل ائیرلائن (پی آئی اے) عملے کی فرض شناسی ،مسافرکاگمشدہ موبائل لوٹادیا۔
تفصیلات کےمطابق پی آئی اےکی مدینہ سے لاہور آنے والی پرواز میں ایک مسافر سیٹ کی جیب میں موبائل فون بھول گیا۔پی آئی اے کے عملے نے مسافر کی تفصیلات حاصل کر کے اس سے رابطہ کیا۔
لاہور ایئرپورٹ پر مسافر کی شناخت کے بعد موبائل فون بحفاظت اس کے حوالے کر دیا گیا۔عملے کی ایمانداری اور فرض شناسی پر مسافر محمد یوسف صدیقی نے پی آئی اے عملے کو سراہا۔مسافر نے پی آئی اے اور اس کے عملے کے لیے نیک تمناؤں کا اظہار کیا۔