بلوچستان: خواتین اور طالبات کیلئے پنک بس سروس کا آغاز

وزیر اعلیٰ بلوچستان میر سرفراز بگٹی کا کہنا ہے کہ صوبے میں خواتین اور طالبات کیلئے پنک بس سروس کا آغاز کر دیا گیا ہے۔
سماجی رابطے کی سائٹ ایکس پر پیغام جاری کرتے ہوئے وزیراعلیٰ میر سرفراز بگٹی نے لکھا ہے کہ پنک بس سروس کا مقصد خواتین اور طالبات کی روزمرہ آمد و رفت کو محفوظ اور باوقار بنانا ہے۔بلوچستان حکومت کی ترجیح ہے کہ پنک بس سروس کو مستقل بنیادوں پر جاری رکھا جائے۔
وزیر اعلیٰ بلوچستان میر سرفراز بگٹی کا مزید کہنا ہے کہ آئندہ مرحلے میں پنک بس سروس کا دائرہ دیگر اضلاع تک پھیلایا جائے گا، پنک بس سروس خواتین کو تعلیم، روزگار اور صحت کی سہولیات تک آسان رسائی فراہم کرے گی، خواتین کیلئے محفوظ ٹرانسپورٹ نظام صوبائی حکومت کے اصلاحاتی ایجنڈے کا اہم حصہ ہے اوربلوچستان میں خواتین کو بااختیار بنانے کیلئے عملی اقدامات کا سلسلہ جاری ہے۔