صدرآصف زرداری تین روزہ سرکاری دورےپرقطرپہنچ گئے

صدرمملکت آصف علی زرداری تین روزہ سرکاری دورےپرقطرپہنچ گئےجہاں پر حماد انٹرنیشنل ایئرپورٹ پر  قطری حکام اور پاکستان کے سفیر نے اُن کاپرتپاک استقبال کیااورگلدستہ پیش کیا۔
صدرمملکت آصف علی زرداری عالمی سماجی ترقیاتی کانفرنس میں شرکت کریں گے اس موقع پر وہ سماجی ترقی، جامع معاشی نمو اور غربت میں کمی کے لیے پاکستان کے اقدامات پر روشنی ڈالیں گے۔
دورےکےدوران صدرمملکت دوحہ الائنس برائے سوشل پروٹیکشن اینڈ جابز کمپیکٹ کے آغاز کےبارے میں تفصیلی بات چیت کریں گے،جبکہ وہ عالمی ترقیاتی وعدوں سے ہم آہنگ منصوبوں، مالی وسائل کے حصول اور ایس ڈی جی اسٹیمولیس سمیت دیگر عالمی اقدامات کی اہمیت پر زور دیں گے۔
صدر مملکت بینظیر انکم سپورٹ پروگرام (بی آئی ایس پی) کے کردار اور پاکستان میں سماجی تحفظ کے نظام کو مستحکم بنانے کے لئے کیے گئے اقدامات سے شرکاء کو آگاہ کریں گے۔
قطرکےدورےکےدوران صدرمملکت آصف علی زرداری عالمی و علاقائی رہنماؤں اور بین الاقوامی تنظیموں کے نمائندوں سے بھی ملاقاتیں کریں گے ۔