صدرمملکت نےجسٹس منصورعلی شاہ اورجسٹس اطہرمن اللہ کےاستعفےقبول کرلیے

صدرمملکت آصف علی زرداری نےسپریم کورٹ کےججز،جسٹس منصورعلی شاہ اورجسٹس اطہرمن اللہ کےاستعفےقبول کرلیے۔
گزشتہ روز دونوں  ججوں نے 27ویں ترمیم کے معاملے پر اپنے عہدوں سے استعفیٰ دے کر انہیں صدر مملکت کو ارسال کیا تھا۔
ایوانِ صدر کے جاری کردہ اعلامیے کے مطابق صدر زرداری نے دونوں ججز کے استعفے باضابطہ طور پر قبول کر لیے ہیں۔
ذرائع کا کہنا ہے کہ استعفے سے قبل جسٹس منصور علی شاہ اور جسٹس اطہر من اللہ نے رات گئے اپنے ساتھی ججز سے چیمبرز میں الوداعی ملاقاتیں کیں۔ ساتھی ججز نے انہیں استعفیٰ نہ دینے کا مشورہ دیا اور آخری وقت تک فیصلے سے باز رکھنے کی کوشش کی، تاہم دونوں جج اپنے مؤقف پر قائم رہے۔
ساتھی ججز سے ملاقاتوں کے بعد انہوں نے استعفیٰ جمع کرایا اور سپریم کورٹ سے روانہ ہوگئے۔