پنجاب اسمبلی پبلک اکاونٹس کمیٹی اجلاس کا شیڈول جاری

پنجاب اسمبلی کی پبلک اکاؤنٹس کمیٹی ون کے اجلاس 6، 7 اور 8 جنوری کو ہوں گے۔
پنجاب اسمبلی کی پبلک اکاونٹس کمیٹی کے تمام اجلاس صبح گیارہ بجے ہوں گے۔پبلک اکاؤنٹس کمیٹی ون کے اجلاس کمیٹی روم نمبر 3، نیو اسمبلی بلڈنگ لاہور میں ہوں گے۔6 اور 7 جنوری کو محکمہ ہائر ایجوکیشن اور اس کے ماتحت اداروں کے آڈٹ اعتراضات زیر بحث آئیں گے۔ہائر ایجوکیشن ڈیپارٹمنٹ کے 2022-23 کے سول آڈٹ پیراز کا جائزہ لیا جائے گا۔
پبلک اکاونٹس کمیٹی کے 8 جنوری اجلاس میں بورڈ آف ریونیو پنجاب کے آڈٹ اعتراضات زیر بحث لائے جائیں گے۔پی اے سی اجلاس میں بورڈ آف ریونیو کے 2022-23 کے آڈٹ پیراز کا جائزہ لیا جائے گا۔پبلک اکاؤنٹس کمیٹی نے متعلقہ سیکرٹریز اور افسران کو ذاتی طور پر پیش ہونے کی ہدایت کر دی۔
نوٹیفکیشن کےمطابق آڈٹ اعتراضات سے متعلق افسران کی حاضری لازمی قرار دی گئی ہے۔تمام محکموں کو 50 ورکنگ پیپرز اجلاس سے قبل جمع کرانے کی ہدایت دی گئی ہے،ورکنگ پیپرز آڈٹ رپورٹس، بیلنس شیٹس اور آڈیٹر رپورٹس کے ساتھ پیش کرنا ہوں گے۔تمام ورکنگ پیپرز محکمہ کے سربراہ سے تصدیق شدہ ہونا لازم ہیں۔
پی اے سی کمیٹی نےفنانس ڈیپارٹمنٹ، آڈیٹر جنرل اور اکاؤنٹنٹ جنرل پنجاب کو بھی ورکنگ پیپرز بھجوانے کا حکم دیاہے۔
اجلاس کی صدارت پبلک اکاؤنٹس کمیٹی ون کی چیئرپرسن چودھری افتخار چھچھر کریں گے۔