پنجاب کے سیلاب متاثرین میں 6 ارب 39 کروڑ کی تقسیم کا آغاز

وزیراعلیٰ مریم نواز کے وعدے کی تکمیل،پنجاب کے سیلاب متاثرین میں 6 ارب 39 کروڑ کی تقسیم کا آغازکردیاگیا۔
پنجاب ڈیزاسٹر مینجمنٹ اتھارٹی کے تحت90 فیصد فلڈ اسسمنٹ سروے مکمل کرلیاگیا،جبکہ 5لاکھ69 ہزار سیلاب متاثرین کا ڈیٹا بھی تیارکرلیاگیا۔جس میں شفافیت یقینی بنانے کے لئے 4لاکھ 63ہزار سیلاب متاثرین کے ڈیٹا کی ڈپٹی کمشنرز سے تصدیق کروائی گئی۔
پنجاب بنک کے تحت سیلاب متاثرین کےمعاوضے کی ادائیگی کے لئے 98 ہزار سے زائد اے ٹی ایم کارڈز تیارکئےگئےہیں،27سیلاب متاثرہ اضلاع میں معاوضے کی ادائیگی کے لئے 37کیمپ سائیٹ قائم20اکتوبر سے 13اضلاع کے سیلاب متاثرین میں معاوضے کی تقسیم کا آغازہوگیاہے۔
پنجاب کے دیگر اضلاع کے دوسرے فیز میں سیلاب متاثرین کو معاوضے کی تقسیم کا آغاز3نومبر سے ہو گا،کیمپ سائیٹ پر سیلاب متاثرین کو 50ہزار روپے نقد اور اے ٹی ایم کی فراہمی ہوگی،ہر سیلاب متاثرہ فرد پنجاب بنک کی اے ٹی ایم سے روزانہ 3لاکھ روپے تک نکال سکتا ہے۔36 تحصیلوں میں سیلاب متاثرین کے لئے 19 کیمپ سائٹ قائم کئےگئےہیں۔
ہر کیمپ سائٹ پر 500 سیلاب متاثرین کو 50 ہزار نقد اور اے ٹی ایم کا اجرا ہوگا،بہاولنگر، دیپالپور ،جھنگ، ننکانہ صاحب، مظفرگڑھ ،چنیوٹ اورجھنگ میں سیلاب بحالی کیمپ قائم کئےگئے۔خیرپورٹامیوالی سمیت دیگر مقامات پر بھی سیلاب بحالی کیمپ سائٹ قائم ہوئے۔