ملک بھرمیں بارشیں:این ڈی ایم اےنے ایڈوائزر ی جاری کر دی

نیشنل ڈیزسٹراینڈمینجمنٹ اتھارٹی نےآئندہ 2سے3روز کے دوران ممکنہ بارشوں اور متوقع موسمی صورتحال کے حوالے سے این ڈی ایم اے نے ایڈوائزر ی جاری کر دی۔
این ڈی ایم اے ایڈوائزر ی کےمطابق آج رات پاکستان میں داخل ہونے والی مغربی ہواؤں کی آمدسے ملک کے بیشتر علاقوں میں بارش اور پہاڑی علاقوں میں برفباری متوقع ہے، آج رات داخل ہونے والی مغربی ہواؤں کے سلسلے میں 30 دسمبرکو مزید شدت آئے گی ،مغربی ہواؤں کے زیر اثر 31 دسمبر کو بالائی و وسطی علاقوں میں بارش متوقع ہے۔جس کےاثرات 2 جنوری کی صبح تک برقرار رہنے کا امکان ہے۔
این ڈی ایم اے ایڈوائزر ی میں کہاگیاکہ ناران، کاغان، سوات، دیر، کوہستان، مری، گلیات، اسکردواور ہنزہ سمیت متعدد علاقوں میں برفباری متوقع ہے،جبکہ رابطہ سڑکوں کی بندش کا خدشہ بھی ہے،بالائی خیبرپختونخوا، گلگت بلتستان اور آزاد کشمیر کے پہاڑی علاقوں میں لینڈ سلائیڈنگ اور برفانی تودے گرنے کا امکان ہے،ممکنہ موسمی صورتحال کے پیش نظر سیا ح اور مسافر غیر ضروری سفر سے گریز اور احتیاطی تدابیر اختیار کریں ۔ بارشوں کے باعث وسطی و جنوبی پنجاب اور بالائی سندھ کے علاقوں میں دھند کی شدت میں کمی متوقع ہے۔
این ڈی ایم اے نے پی ڈی ایم ایز، جی بی ڈی ایم اے، ایس ڈی ایم اے اور ضلعی انتظامیہ کو الرٹ رہنے کی ہدایت جاری کر دی۔متعلقہ اداروں کو ہنگامی ریسپانس ٹیمیں تیاررکھنے اور پیشگی حفاظتی اقدامات یقینی بنانے کی بھی ہدایت کی گئی۔
ترجمان کاکہناہےکہ این ڈی ایم اے صورتحال کی مسلسل نگرانی کے ساتھ ساتھ متعلقہ اداروں کو ہمہ وقت معلومات اور راہنمائی فراہم کر رہا ہے عوام سے التماس ہے کہ موسمی صورتحال اور احتیاطی تدابیر کے لیے’’پاک این ڈی ایم اے ڈیزاسٹر الرٹ ایپ‘‘ سے راہنمائی لیں۔