عمران خان کیخلاف حقیقی آزادی مارچ کے2کیسز:عدالت نےداخل دفتر کردیئے

عدالت نےعمران خان کیخلاف حقیقی آزادی مارچ کے2کیسزداخل دفتر کردیئے۔
اسلام آبادکی ڈسٹرکٹ اینڈ سیشن کورٹس کےجوڈیشل مجسٹریٹ اظہر ندیم نےعمران خان کیخلاف حقیقی آزادی مارچ کے 2 کیسز کی سماعت کی۔بانی پی ٹی آئی کی جانب سے سردار محمد مصروف ایڈووکیٹ عدالت میں پیش ہوئے۔
وکیل سردار محمد مصروف ایڈووکیٹ نےکہاکہ یہ 2022 کے دو کیسز ہیں متعدد ملزمان بری ہوچکے ہیں، ہماری دو سال سے بریت کی درخواست زیر سماعت ہے، عمران خان کو بھی عدالت میں پیش نہیں کیا جارہا ، عدالت کیس کی سماعت کل تک رکھے ہم بریت کی درخواست پر دلائل دے دیتے ہیں۔
وکیل سردارمصروف نےدلائل میں کہاکہ عدالت قانونی طور پر کیس کو داخل دفتر بھی کر سکتی ہے، عدالت یا ہماری بریت کی درخواست سن لے یا کیس داخل دفتر کر دے۔
بعدازاں عدالت نےعمران خان کےخلاف دونوں کیسز داخل دفتر کردیئے۔

واضح رہےکہ بانی پی ٹی آئی کیخلاف تھانہ کوہسار میں دو مقدمات درج ہیں۔