سینئراداکارہ بینامسرور67برس کی عمرمیں انتقال کرگئیں

پاکستان شوبزانڈسٹری کی سینئراداکارہ بینامسرور67برس کی عمرمیں انتقال کرگئیں۔
اداکارہ کےانتقال کی تصدیق بینامسرورکےبیٹےپارس مسرور نے فوٹو اینڈ ویڈیو شیئرنگ ایپ انسٹاگرام پرایک سٹوری کےذریعےکی۔
بینا مسرورکاشمار پاکستان ٹیلی ویژن (پی ٹی وی)کی ان اداکاروں میں ہوتاتھا، جنہوں نے بنجارا، بیٹیاں، تڑپ، عشق نہیں آسان، آنگن، اگر اور جانِ جہاں جیسے مقبول ڈراموں میں اپنی اداکاری سے گہرا اثر چھوڑا،اداکارہ اپنی فنی خدمات کے ساتھ ساتھ تدریس کے شعبے سے بھی وابستہ رہیں۔
مرحومہ ڈاکٹر بیدل مسرور کی اہلیہ تھیں اور سندھ یونیورسٹی سے تعلیم یافتہ ہونے کی وجہ سے علمی حلقوں میں بھی اُن کی پہچان قائم تھی۔
انسٹاگرام سٹوری میں پارس مسرورنے اپنی والدہ کی مغفرت اور ایصالِ ثواب کے لیے مداحوں سے خصوصی دعا کی درخواست کی ہے۔