سندھ حکومت کا آکسفورڈ یونیورسٹی کیلئے سکالر شپ کا اعلان

پاکستانی طلبا کیلئے خوشخبری ،محکمہ تعلیم سندھ نے اعلیٰ تعلیم کے خواہشمند پاکستانی طلباو طالبات کیلئے آکسفورڈ یونیورسٹی کی سکالرشپ کا اعلان کر دیا۔
محکمہ تعلیم کے ترجمان کے مطابق گریجویٹ، ماسٹرز، ایم فل اور پی ایچ ڈی امیدواروں کیلئے سکالرشپ دستیاب ہو گی۔ سکالرشپ کیلئے سندھ کا ڈومیسائل اور شناختی کارڈ لازمی قرار دیا گیا ہے۔
ترجمان محکمہ تعلیم سندھ کے مطابق امیدوار کا آکسفورڈ یونیورسٹی کے میرٹ پر پورا اترنا اورانگریزی زبان میں مہارت بھی ضروری ہے۔
ترجمان کے مطابق شارٹ لسٹ امیدواروں کے نام انٹرویو کے بعد فائنل کیے جائیں گے۔
ذہن نشین رہے کہ یہ سکالرشپس بلاول بھٹو اور وزیراعلیٰ سندھ مراد علی شاہ کے حالیہ آکسفورڈ دورے کے تناظر میں دی جا رہی ہیں۔