سنگاپور میں سڑک کنارے درختوں سے پھل توڑنے یا زمین پر گرے آم اٹھانے پر بھاری جرمانہ عائد کیے جانے کا انکشاف سامنے آیا ہے۔
غیر ملکی میڈیا رپورٹس کے مطابق سنگاپور میں مقیم بھارتی نژاد ڈیجیٹل کریٹر پریانکا سنہا نے سوشل میڈیا پر ایک ویڈیو شیئر کی، جس میں سڑک کنارے موجود آم کے درخت اور زمین پر گرے آم دکھائے گئے۔
ویڈیو میں انہوں نے بتایا کہ سنگاپور میں عوامی مقامات پر لگے پھل دار درختوں سے پھل توڑنا یا زمین پر گرے پھل اٹھانا قانوناً جرم سمجھا جاتا ہے کیونکہ یہ درخت حکومتی ملکیت ہوتے ہیں۔
ان کے مطابق اگر کوئی شخص زمین پر گرے آم اٹھانے یا درخت سے پھل توڑنے کی کوشش کرے تو اسے 5 ہزار سنگاپورین ڈالر تک جرمانہ ادا کرنا پڑ سکتا ہے، جو پاکستانی کرنسی میں تقریباً 10 لاکھ 94 ہزار روپے سے زائد بنتا ہے۔
پریانکا سنہا کا کہنا تھا کہ سنگاپور کے قوانین عوامی املاک کے تحفظ کیلئے نہایت سخت ہیں اور اسی وجہ سے ایسے اقدامات پر بھاری جرمانے عائد کیے جاتے ہیں۔
