ہونہار طلباو طالبات کیلئے خصوصی سکالرشپ فنڈ کے قیام کا اعلان

تعلیم کے شعبے سے بڑی خوشخبری،آئی جی ایف سی بلوچستان ساؤتھ نے ہونہار طلبا کیلئے خصوصی سکالرشپ فنڈ کے قیام کا اعلان کر دیا۔
انسپکٹر جنرل فرنٹیئر کور بلوچستان ساؤتھ نے تربت لا کالج کا خصوصی دورہ کیا۔ دورے کے دوران ان کی فیکلٹی ممبران اور طلبا کے ساتھ خصوصی نشست ہوئی۔ طلبانے بلوچستان کی ترقی میں نوجوانوں کے کردار پر اپنے خیالات کا اظہار کیا۔ طلبا نے کہا کہ ہم کھوئی ہوئی نسل نہیں ،بلکہ وہ نسل ہیں، جس کا بلوچستان کو طویل عرصے سے انتظار تھا۔طالبعلموں نے کورٹ پروسیڈنگ کے ذریعے پیشہ ورانہ مہارت کا عملی مظاہرہ بھی پیش کیا۔
اس موقع پر آئی جی ایف سی بلوچستان ساؤتھ نے کہا کہ طلبا وکالت کے مقدس پیشے کے ذریعے عوامی خدمت اور انصاف کی فراہمی کو اپنا شعار بنائیں۔انہوں نے ہونہار طلبا کیلئے خصوصی سکالرشپ فنڈ کے قیام کا اعلان کیا اور کالج میں سولرائزیشن کیلئے حکومتِ بلوچستان سے معاونت کی یقین دہانی کروائی۔ طلبہ اور فیکلٹی ممبران نے امن و ترقی کے فروغ میں ایف سی بلوچستان ساؤتھ کے کردار کو بھرپور سراہا۔