قومی آمدن بڑھانے کیلئے ٹیکس نیٹ بڑھایا ہے، 9 لاکھ فائلرز کا اضافہ ہوا ہے،اورنگزیب

وفاقی وزیرخزانہ محمداورنگزیب نےکہاہےکہ قومی آمدن بڑھانے کیلئے ٹیکس نیٹ بڑھایا ہے، 9 لاکھ فائلرز کا اضافہ ہوا ہے۔

کراچی فیوچرسمٹ کی تقریب سےخطاب کرتےہوئےوفاقی وزیرخزانہ محمد اورنگزیب کاکہناتھاکہ پاکستان کو برآمدات کا مرکز بنانا ہے جبکہ آئی ٹی اور میری ٹائم سیکٹر پر ہمارا فوکس ہوگا۔ معیشت میں نجی شعبے کا کردار بہت اہم ہے، پیداوار پر مبنی معاشی ترقی ہی پائیدار راستہ ہے، ملکی معیشت درست سمت میں گامزن ہے۔
اُن کامزیدکہناتھاکہ عالمی ریٹنگ ایجنسی نے پاکستان کی معاشی بہتری کا اعتراف کیا، میکرو استحکام کو عالمی سطح پر بھی سراہا گیا ہے ، کارپوریٹ منافع 9 فیصد بڑھا ہے۔ قومی آمدن بڑھانے کے لیے ٹیکس نیٹ بڑھایا ہے، 9 لاکھ فائلرز کا اضافہ ہوا ہے، ڈیجیٹائزیشن سے معیشت میں شفافیت آئے گی، مصر نے ایف بی آر اصلاحات سے سیکھنے کی درخواست کی ہے۔
اورنگزیب کاکہناتھاکہ گوگل پاکستان کو ایکسپورٹ حب بنانے کا منصوبہ بنانا چاہتا ہے، اے آئی پر مبنی ترقی کے لیے ایکو سسٹم تشکیل دینا ہوگا اور بلیو اکانومی کے فروغ کے وسیع مواقع موجود ہیں۔ پائیدار معاشی ترقی کے لیے ڈھانچہ جاتی اصلاحات ناگزیر ہیں، عالمی سفارتی کامیابیوں سے فائدہ اٹھانے کے لیے ایکو سسٹم فراہم کرتے رہیں گے، 24 سرکاری ادارے بیچنے کا فیصلہ کیا ہے جبکہ قومی ائیرلائن پی آئی اے کی نجکاری اس سال سے پہلے مکمل ہوجائے گی۔