تعلیم کا فروغ ناگزیر : بلوچستان میں تعلیمی شعبے میں ہڑتال اور تالہ بندی پر پابندی عائد

تعلیمی خدمات ، ضروری خدمات،بلوچستان بھر میں تعلیمی خدمات کو ضروری خدمات قرار دیدیا گیا۔بلوچستان ایسنشیئل ایجوکیشن سروسز ایکٹ 2019 کے تحت تعلیمی شعبے میں ہڑتال اور تالہ بندی پر پابندی عائد کردی گئی۔
محکمہ سکول ایجوکیشن بلوچستان کی جانب سے جاری نوٹیفکیشن میں اساتذہ و تعلیمی عملے کی ہڑتال غیر قانونی قراردے دی گئی ،تعلیمی اداروں میں کسی بھی قسم کی ہڑتال یا غیر قانونی اقدام پر قانونی کارروائی کا اعلان کیا گیا ہے۔عوامی مفاد کے پیش نظر تعلیمی سرگرمیوں کا بلا تعطل تسلسل یقینی بنانے کا فیصلہ کیا گیا ہے ، سیکشن 6 کے تحت صوبے کے تمام تعلیمی اداروں میں 6 ماہ کیلئے کسی بھی قسم کی ہڑتال پر مکمل پابندی عائد کردی گئی ہے۔
نوٹیفکیشن کے مطابق خلاف ورزی کی صورت میں سزا کیلئے قانونی انتظامات موجود ہیں ،فیصلہ فوری نافذ العمل اور اطلاق تمام سرکاری و نجی تعلیمی اداروں پرہو گا۔